الوقت مش لينا ...
ما خلاص اهو مشينا ...
خلصنا أحلامنا ...
دابت أمانينا
راحلين هدفنا فراغ
و الوقت عدى وراغ
جسمه مالهوش دماغ
ما فهمشِ أغانينا
والوقت مش لينا ...
وانا وانتِ جملة شعر
و دقيقة تسوى العمر
لكن يا بحر السحر
حلمى ما لوش مينا
الوقت مش لينا ...
كان نفسي أطول شطك
و اقطع بقى صمتك
و الملم خرز فرطك
عاجزه قوى إيدينا
الوقت مش لينا ...
شيبنى طيف الحب
و البحث ليه عن درب
لو الوطن ليه قلب
ما كنش باع فينا
و الوقت مش لينا
الوقت ملك الخوف
دى حقيقة ملو الشوف
لو تقدرى عا الزيف!
يا حبيبتى عدينا
و الوقت مش لينا
Hi5 Falling Stars
هناك تعليقان (2):
’’و الملم خرز فرطك‘‘
وتبقى دوما خرزة تائهة، فيأبى العقد أن ينعقد.
أستاذة سامية أبوزيد
نعم
و نظل نبحث فلا الأمل ينفد ولا العقد يقبل أن ينعقد
إرسال تعليق