الحروف هى القصيدة
و القصيده مبعتره
لو فضلت فى السكوت
يبقى هاتشدك ورا
لو قدرت تغنى نفسك
يطلعك حرفك لفوق
تلقى روحك بالمعانى
مدينه عامره منوره
و الحروف هى القصيدة
و السكوت يعنى الفنا ..
لو ماكانش لى إسم ..
كنت إزاى أكون أنا
والملامح تبقى توهه
لو ما تترجمش صوت
جمله حايره عا البيبان ...
نفسها تبقى غنا ...
و الحروف هى القصيده
بس من غير المشاعر ...
تبقى فوضى فى النفوس
لحد ما يعشقها شاعر
كل حرف يبقاله لون
كل لون بيضوى نجم
كل يوم يبقاله طعم
عمره ما يكرر مناظر
و الحروف هى القصيدة ....
Hi5 Falling Stars
هناك 3 تعليقات:
أنت الشعر والرقي والجمال
مش عارفه اقول ايه
بس مش كل الشعر حلو
لكن عشان انت رائع يا استاذي
فشعرك حلو
:)
((والحروف هي القصيدة
بس من غير المشاعر ...
تبقى فوضى فى النفوس
لحد ما يعشقها شاعر
كل حرف يبقاله لون
كل لون بيضوى نجم ))
روعة هذا المقطع وساحرة هي حروفك يا شاعرنا
أول تعليق لكنها ليست زيارتي الأولي لمملكتك الشعرية الجميلة :)
خالص تحياتي
بالفعل أنت الشعر والحروف والقصيدة، فأنت العمدة.
تحياتى
إرسال تعليق