موبايل زاجل

ف رجل حمامه ...

مربوط رسالة،

مكتوب لى فيها

كلمنى شكرا ...

فرحت جدا ..

طلعت مادنه

وكنت باحبى

ناديت يا صاحبى ...

الشبكة عاليه ..

و الصوت مخروش ..

وحمامى طايش ..حمام مروش

مالوش فى رقمى ...

يشفط فى دمي

اقول يروحلك ..

نفسي ابوح لك

يروح لغيرك ...

يظن انى .. طايش بعاكس...

و انت الى عارف... انى بشاكس

كأهل تحت..!

...حمامى كارت ...

طب ليه يا زمنى ..

بياكلونا سُحت

كان نفسي يبقى ...

حمام فاتوره ...

علشان ندردش ..

بصوت و صوره

ونقول كلامنا ...

ما حد يدرى ...

بالى ما بينا ..

و لما يجي

ميعاد حسابى ..

اهرب و اقفل

للشركة بابى

يحتار صحابى

.. اجيب حمامه ...

من غير ملامه

من شركه تانيه ... المحاسبه فيها

تكون بثانيه...

.. صاحبها راجل

لكن مجوسي

يسرق فلوسي

و لما افلس

من غير ما اغلس

هابعت رسالة ..

اقول يا صاحبى

كلمنى شكرا

...

شكر خاص للأستاذة سامية أبو زيد صاحبة العبارة الافتتاحية فى النص

(ف رجل حمامه ...

مربوط رسالة،

مكتوب لى فيها

كلمنى شكرا ...)