و لسه

و لسه يا قلبي يتغنى

ولسه

يا عمري مستنى

ولسه

كل ما تعشق ...

يكون عشقك سبب نكسه

و لسه..

الطفل في صدري

بيتحكم

برغم الشيب بيلعب بالهوي ...

و يرجع تاني متألم

ويتمنى يدوب لمسه

ولسه

شيطان الشعر بيحاور

يملي كلام مالوش معنى

ولسه

ما عرفتش......

أصاحب يأس ايامي

و أنسي وش أحلامي

و أرجع راضي بمجرد

سلامة بدني قدامي

و اقول فرصه

و لسه

بدور في ضجيج الكره

عن طفله ..

تقول الحب بالهمسه

و لسه ...

و لسه

و لسه

بس يا قلبي ..

من عمريفاضل لسه؟

* * * * * * * *