ما يهزنى برودها...!

كل الكلام انتهى ...

مفضلش غير:" رافض"

ما فضلش غير لأَ

حبيبتى من جبنها

مش راضيه نتواعد

حتى السما الزرقه

بنجومها بتباعد

وجدرى القديم

عافر

لسه شديد صامد

لا يهزنى برودها

ما يغير العارض

مالو الصحون رقه

:

ما فضلش غير لأَ

****

كل الكلام انتهي

وعطشان يا حريه

القمح طرحه بشقى

الزرع مش نيه

هاحضن

وحضنى المدي

و افتح بقى عنيا

الذل دا ليكم

و العز.. لاق .. ليا

نشفت بحار الصبر

ما بقتش انا سقا

ما فضلش غير لأَ

***

كل الكلام انتهى

إلا كلام روحي

براقى للمنتهى

بيقرا فى لوحي

وعشقها سرها

وعشقى مفضوحي

لما أكون ساجد

ومسجدى بوحى

ألمى خلاص انمحي

ضَمدلى فى جروحي..

و هاخاف ليه ....؟

حقا ....!

ما فضلش غير لأَ

كل الكلام انتهى ...

حبر القلم باهت ..

و الصفحه من حزنها

اتكرمشت شاخت

وبرغم كل العنا

فى قلبى لسه غنا

طب ليه أعيش ساكت ؟

لازم أقول .... لأَ

ما فضلش غير: لأَ